&& مذكرات سلمان وعذابه في حب وئام &&

((.....البارت الثاني ....))
ريم: لالالالا ما فيني شده حق هذرتها ومحاضراتها ارجووووج
وئام : يلا عيل قولي
ريم: ان شاء الله ان شاء الله عووومري
وئام : يلا بسرررعه
ريم: الموضوع وما فيه اني عطيت ندى اليوم فلوس علشان تشتري ليي تلفون..
وئام: انزين ليش؟
ريم: علشان اكلم ماجد
وئام: ريييييييم شنو هالكلام ؟؟....شنو هالكلام قولي لي ؟؟ انتي ما تدرين ان هالشي غلط ؟؟..انتي جذي راح تخدعين اهلج لانه ما في اهل في مجتمعنا الأسلامي يرضون ان بنتهم تكلم شباب ...شنو راح يقولون عنج الناس لو درو انج تكلمين شباب؟؟؟...راح تتشوه سمعتج....تفهمين؟؟؟.....البنت مثل الصحن الي من زجاج الي اذا انكسر ما يتصلح تفهمين؟؟
ريم: أي بس انا احبه واهوه يحبني وصار لنا نكلم بعض 3شهور ع المسن وساعات اتصل فيه من تلفون البيت
وئام: أي حب الي قاعده تتكلمين عنه ؟؟؟ أي حب الي من اول مكالمه على المسن قال لج انا احبج شنو هالحب الي ما جافج ولا شفتيه وايقول لج احبج؟؟
ريم: حبني من اسلوبي في الكلام وطريقة تفكيري
وئام :ليش اهوه كلمج مليون سنه ؟؟...تعرفتي عليه من الشات تعرفين يعني شنو من الشات ؟؟..يعني أي احد يقدر يدخل يتسلى وووووبسسسسسسسسس ....سمعتي؟؟؟....يتسلى وبس ...ما يحب يتسلى وبس....وحتى لو بحبج من اول مكالمه ع المسن احبج واموت فيج؟؟وابي اشوفج مشتاق لج؟؟لازم تشغلين الكام لازم؟؟ والحمد لله عندج شوية عقل ما شغلتي الكام
ريم: ليش انا مجنونه
وئام: أي مجنونه ..تدرين ليش ؟؟؟..لانج رخصتي من نفسج وسمحتي لفنسج تدخلين الشات وتتكلمين مع شباب
ريم: .............كيفي
وئام : براحتج بس انا نصحتج وانتي براحتج راح تتقبلين النصيحه من اخت لج او لا
ريم:..........
وئام: الا ما قلتي لي من وين لج الفلوس ؟؟ انتي مو محرومه من المصروف؟
ريم: أي انا محرومه من المصروف
وئام: من وين جبتيهم؟
ريم: طلبت من اخوي سلمان وقلت له ابي اشتري لج هديه لانه عيد ميلاج بالهجري هههه عاد درى ان الهديه بتروح لحبيبة قلبه وئووم فعطاني الفلوس
وئام: لااااااا
ريم: والله يحبج والله يحبج
وئام : قصي على وحده غيري لا تقصين علي وبعدين انا ما افكر في هاي الاشياء ....ما افكر الا في دراستي وبسس ((واهيه بتموت من الفرح من داخلها كانت تقول في قلبها: الااااي سلمان حلو .......معقوله يحبني ؟؟...انا؟؟...الاااااااي لهدرجه انا حلوة اوف اوف ))
ريم: هلوووووووو وين رحتي؟؟
وئام : لا بس افكر في الاعراب تبع الجمله
ريم: اهااااا ....بس صدقيني سلمان يحبج يحبج واااايد
وئام : وانتي شدراج قاعده في قلبه؟؟
ريم: لا بس اليوم في غرفته لما رحت اطلب منه فلوس قال لي افتح الكبت وآخذ من البوك لفت نظري دفتر حلو ومرتب فتحته اول صفحه كان مكتوب عليها مذكرات سلمان اخذت الدفتر وحطيته تحت فانيلتي وجبته الغرفه وقعدت اقراء فيه وشفت انه يحبج موووووت لدرجه انه كاتب اسمج بالانجلنزي wiaamوكاتب تحته عذبتيني متى بتحسين بحبي متى؟؟
وئام: صدقج وااااايد ما شاء الله عليج ما تجذبين
ريم : والله ما اجذب ....وعلشان اثبت لج الدفتر عندي الحين راح اوريج اياه
ريم قامت فتحت الدرج وجابت الدفتر: تفضليانتهى البارت اتمنى انه ينال اعجابكم
تابعوني في البارت الثالث
مقتطفات من البارت الثالث :
** مادري شيصير فيني لما اشوفها
** الخميس 22-5-2008
** لما شفتج بهالجمال كله ما قدرت اتمالك نفسي
** لا تعامليني جذي ارجوووووج
** لو سمحت اخ سلمان انا اهلي ماربوني......